குசேலன் ஆடியோ ரிலீஸ்!

தமிழில் குசேலனாகவும், தெலுங்கில் குசேலடுவாகவும் ஒரே நேரத்தில் வெளியாகும் சூப்பர்ஸ்டார் படத்தின் இறுதிக்கட்டப் பணிகள் பரபரப்பாக நடந்துகொண்டிருக்கிறது. படப்பிடிப்பு கிட்டத்தட்ட முடிந்துவிட்டதாகவும் ஜூலை 18ஆம் தேதி படத்தை வெளியிட ஏற்பாடுகள் நடந்துகொண்டிருப்பதாகவும் தயாரிப்பு வட்டாரத்திலிருந்து தகவல் வெளியாகியிருக்கிறது.

ரஜினி, நயன்தாரா சம்பந்தப்பட்ட காட்சிகள் அனைத்தும் எடுக்க முடிக்கப்பட்டு விட்டநிலையில் ரஜினி, நயன்தாரா பங்குபெறும் ஒரு டூயட் காட்சிக்காக அடுத்த வாரம் கேரளாவுக்கு படக்குழுவினர் செல்ல இருக்கிறார்கள். அதையடுத்து படத்தின் இறுதிக்கட்ட படப்பிடிப்பு ஹைதராபாத்தின் ராமோஜிராவ் பிலிம் சிடியில் படமாக்கப்பட இருக்கிறது. இது 200 சதவிகித சூப்பர்ஸ்டார் படம் என்று திரும்ப திரும்ப சொல்லிக்கொண்டிருக்கிறார் இயக்குனர் பி.வாசு.

ஜூன் 20ஆம் தேதி படத்தின் இசைத்தட்டு வெளியீடுக்காக திட்டமிடப்பட்டிருக்கிறது. ஒரே நாளில் காலையில் சென்னையில் தமிழ் இசைத்தட்டும், மாலையில் ஹைதராபாத்தில் தெலுங்கு இசைத்தட்டும் வெளியிடப்படும் எனத்தெரிகிறது. இரண்டு விழாக்களிலும் சூப்பர் ஸ்டார் கலந்துகொள்வாராம்.

ரெடி, ஜூட்.. குசேலன் - கவுண்ட் டவுன் ஸ்டார்ட்ஸ்...