மகேஷ், சரண்யா மற்றும் பலர்!

தமிழில் படங்களுக்கு தலைப்பிட்டால் கேளிக்கை வரிச்சலுகை என்று தமிழக அரசு அறிவித்தாலும் அறிவித்தது, இப்போது தமிழில் வரும் படங்களுக்கெல்லாம் வித்தியாசமான தமிழ் பெயர்கள். இவ்வளவு பெயர்கள் இவ்வளவு நாட்கள் எங்குதான் ஒளிந்திருந்ததோ?

இயக்குனர் பி.வாசுவின் மகன் சக்தி (சின்னத்தம்பியில் சின்னப் பையனாக வந்தவர்) நடிக்கும் அடுத்த படத்தின் பெயர் ‘மகேஷ், சரண்யா மற்றும் பலர்!' இயக்குனர் லிங்குசாமியின் உதவியாளர்கள் பலரும் இயக்குனர்களாக மாறும் காலக்கட்டம் இது போலிருக்கிறது. இப்படத்தை இயக்கும் இயக்குனர் ரவியும் லிங்குசாமியிடம் பணியாற்றியவர்.

வித்யாசாகர் இசையமைக்கும் இப்படத்தில் சந்தியா கதாநாயகியாக நடிக்க கீர்த்திசாவ்லா, டேனியல் பாலாஜி போன்றோரும் நடிக்கிறார்கள். ‘பிடிச்சிருக்கு' படத்தை வெளியிட்ட கூல் புரொடக்சன்ஸ் இந்த திரைப்படத்தை தயாரிக்கிறார்கள்.