தசாவதாரம் - ஸ்டில்ஸ் + சினி சிப்ஸ்

சூப்பர் ஸ்டாரின் சிவாஜி படத்துக்கு பிறகு மிக அதிக எதிர்பார்ப்பினை ஏற்படுத்தியிருக்கும் படம் பத்மஸ்ரீ கமல்ஹாசனின் தசாவதாரம். படம் பற்றிய நொறுக்கு தகவல்கள் :

* படத்தின் தொடக்கக் காட்சியில் 10,000 பேர் தோன்றுகிறார்கள். அவர்களுக்கு 5,000 பேர் குரல் கொடுக்கிறார்கள். இந்திய திரைப்பட வரலாற்றிலேயே இதுபோல 5000 பேரின் குரலை ஒரே நேரத்தில் ஒலிப்பதிவு செய்யப்படுவது இதுவே முதல் முறை.


* படத்தில் சந்தானபாரதி, ஆர்.சுந்தர்ராஜன், ஈரோடு சவுந்தர், பி.வாசு, கே.எஸ்.ரவிக்குமார், ரமேஷ்கண்ணா ஆகிய இயக்குனர்கள் நடித்திருக்கிறார்கள்.

* பிரபல இந்தி இசையமைப்பாளர் ஹிமேஷ் இசையமைத்திருக்கிறார். ஆடியோ இந்தமாத இறுதியில் வெளியிடப்படலாம்.

* சண்டைக்காட்சிகளுக்காக ஹாலிவுட் கலைஞர்களை வரவழைத்திருக்கிறார்கள். பயிற்சியாளரும் ஹாலிவுட்காரர்.

* அய்யர், குள்ளர், விஞ்ஞானி, ஸ்டண்ட் கலைஞர், நீக்ரோ, டூரிஸ்ட் கைட், திருடன், கிழவி, இளம்பெண், அரசன் ஆகிய 10 அவதாரங்களை எடுத்திருக்கிறார் கமல். 10 வேடங்களுக்கு பத்துவிதமான குரலில் கமலே டப்பிங் பேசியிருப்பது குறிப்பிடத்தக்கது.

* இதுவரை எடுத்த படத்தின் ரஷ் பார்த்த தமிழக முதல்வர் கருணாநிதி கமல்ஹாசனை வெகுவாக பாராட்டியிருக்கிறார். படம் முடிந்ததுமே பார்க்க ஆவலாக இருப்பதாகவும் சொல்லியிருக்கிறார்.